Tuesday, April 5, 2011

SEJAROH SEK KITO!!!


scrawled by Syedjeme Syed Alwi on t' date o' Day o' the Sun, Octobarrr 31, 2010 roundabouts 11:33 in the mornin'
 
 
Jak pagi lagi ambo reydi
Baju meroh gosok semale lagi
Tigo kali final doh ambo gi
Harak tahun ni la hok jadi

Masuk stadium awa parok
Tok se doh ambo duduk besesok
Pakak masuk la TRW berarok
Chok tepak hok comey nok tengok

Puah kakloh nok tunggu game
Nasib baik ado rama geng
Capur pulok nga sek2 hok jeng
Hile letih sakni sumbak dale jem

Main semeta keno doh penalti
Buleh la sebute ko sek dio sumbak
Senyak tipah lah sebute negeri
Perah dale hari tok leh nok royak

“Main molek la sek kito!!!”
Jerik saing sebeloh ambo
Habih first half tok leh nok kato apo
Harap2 lepah ni sek kito gomo

Wala main tok abih lagi
Dok tebaye keno mapuh pulok pah ni
Bakpo final gak sek kito lagu ni
Detik hati final pulok malah doh nok gi

Set keduo main koho sedak
Akhirnyo buleh sek kito sumbak
Duo butey gol keramak
Nopak jerik tok kaba ingak

Gol kito lawa2 seghoti
Gol anok jate sejati
Bukey gol harap ko penalti
Buleh kelik la sek2 nogori

Lagu ni wei raso jadi juaro
Ake ambo ingak sapa bilo-bilo
Anok cucu ake ambo cerito
Ambo ado maso sejaroh kelate dicipto

Sek2 lain jange dok deki
Kalu nga kelate rama tok puah hati
Kali ni kito doh terbukti
Bola kelate di puncok tertinggi

Teruske main lagu ni sokmo
Barulah “gomo kelate gomo”
Bia stadium kito begemo
Hok ni hadioh utok sulte baru kito

Pahni pakak la berarok di KB
tapi ambo tokleh nok gi
wak guano dok di KL cari rezeki
ambo tgk la kok dale tibi

tahniah kepado pasuke negeri
kepado pemain, jurulatih dan semo sekali
harap buleh stadium baru hok besar lagi
sek kito koho kemah kemi

No comments:

Post a Comment